Doaimmahushoavda SVT Sápmái


Leat go jođiheaddji gii beroštat ja gulahalat ja geas lea stuora áddejupmi sámi kultuvrras, servodagas ja sámi gielain?
Mii ohcat doaimmahushoavdda SVT Sápmái guhte galgá jođihit barggu ovddidit doaimmahusa ođasbarggu ja mii lea veahkkin čalmmostahttit Sámi ja eará eamiálbmotjearaldagaid sihke sámi ja riikkaviidosaš ođasfálaldagas.
Loga eanet dán virggi birra ja oza dás: www.wesgroup.se


Doaimmahushoavdda bargu lea jođihit doaimmahusa ja joatkit ovddidit SVT Sápmi nugo dehálemos diehtojuohkin- ja ođasgáldun Sámis ja eará eamiálbmotguovlluin, dáhkidit gelbbolaš journalistihka buot gálduin ja čalmmostahttit Sámi ja eará eamiálbmotjearaldagaid sihke sámi ja riikkaviidosaš ođasfálaldagas. Fargga álggahuvvo ovddidanbargu mii galgá ovddidit SVT Sámi ođasfálaldagaid sihke online ja TV:as. Dát šaddá dehálaš bargu ođđa hovdii. Oassi barggus lea maiddái ahte joatkit ovddidit ovttasbarggu Sveriges Radio Sámerádioin ja sámi doaimmahusaguin NRK:as ja Yle:s.

Virgi lea SVT prográmmahoavdda báikkálaš ođđasiid ja unnitlogu-ođđasiid vuolde ja gullo dan hoavdda jođihanjovkui. Báikkálaš ođđasat ja unnitlogu-ođđasat gullojit SVT Nyhetsdivišuvdnii.

Hoavdda ovddasvástádussuorggit
• Doaimmahushoavda lea ovddasvástideaddji olggosaddi Ođđasat-prográmmii. Du bargu lea sihkkarasttit dehálaš ođasfálaldaga sihke online ja TV:as, ja maiddái čalmmostahttit sámi ođđasiid riikkaviidosaš ođasfálaldagas.
• Doaimmahushoavddas lea maiddái ovddasvástádus bargoveagas, bušeahtas ja bargobirrasis.

Hárjáneapmi ja diehtodássi
• Máhttu sámi- ja eamiálbmotmáilmmi birra.
• Máŋgajahkásaš jođihanhárjáneapmi.
• Journalistihkalaš máhttu lea ánsu.
• Lea ánsu ahte máhtát ovtta dehe máŋga sámegiela.
• Publisisttalaš hárjáneapmi lea ánsu.

Persovnnalaš iešvuođat
• Jođiheaddji guhte máhtát movttidahttit ja beroštahttit mielbargiid, ja ráhkadit buriid eavttuid olahit oktasaš ulbmiliid.
• Doaimmalaš ja dárpmolaš olmmoš gii nagoda čađahit rievdadusaid ja olahit bohtosiid ovttas iežáiguin.
• Struktuvrralaš olmmoš, čeahppi organiseret, dáidu ráhkadit ulbmiliid ja čuovvulit daid ulbmiliid ollašumi.
• Jođiheaddji gii ohcá čovdosiid ja lea čeahppi ráhkadit ovttasbargovugiid bargojoavkkus.
• Jođiheaddji gii lea ipmirdahtti ja gulahalli ja geas lea lunddolaš dáidu ráhkadit dorvvu ja ovddidit sihke siskkáldas ja olgguldas gaskavuođaid.
• Láidesteaddji guhte váldá buohkaid ollái ja geas lea stuora ipmárdus movt mielbargiid iešguđetlágánvuođat ja sierra oainnut leat veakkin bargui.

SVT mielas leat buot olbmuin seammá árvu ja danin lea dehálaš ahte dus lea seammá oaidnu.

Virgi lea bistevaš ja bargobáiki lea SVT Sámis Gironis.


Dán virgáibidjanprosseassas bargá SVT ovttas Wes:iin, http://www.wesgroup.se
Sök här: https://bit.ly/2FZPE20

Maŋemus ohcanbeaivi: 2020-10-04


Eanet dieđuid virggi birra dehe virgáibidjanprosseassas, váldde oktavuođa ovddasvástideaddji virgáibidjankonsultain:

Nusin Cilgin Björklund, 0709-81 67 44, nusin@wesgroup.se



SVT:a doaibma
SVT:a public servicedoaibma galgá dáhkidit riikka olbmuide viiddes prográmma- ja bálvalusfálaldaga sihke tv:as, webbes ja eará fálaldatvugiin.

SVT:a fálaldagaid vuođđu lea demokráhtalaš ja olmmoslaš árvvut, áŋgirvuohta leat álbmotoahpaheaddji, máŋggabealálašvuohta ja kvaliteahta. SVT:a fálaldagat galget olahit buohkaid beroškeahtta makkár eavttut ja duogáš olbmuin lea. SVT galgá maiddái govvidit olles Ruoŧa. Doaibma lea iešheanalaš, ii ge bealoš politihkalaš, gávppalaš dehe eará beroštumiid servodagas. SVT galgá suokkardit ja digaštallat dáhpáhusaid sihke Ruoŧas ja muđui máilmmis.

SVT ii galgga leat bealálaš, muhto iešheanalaš ja áššálaš. Odne barget 2 100 olbmo SVT:as duohtandahkat dáid ulbmiliid.

SVT Sápmi
SVT Sápmi lea dehálaš ođasásahus Sámis ja sámi servodagas ja maiddái riikkaviidosaččat. SVT Sápmi galgá buvttadit sámegielođđasiid Ođđasat- prográmmii mii lea NRK, SVT ja Yle oktasaš ođasprográmma. Doaimmahus buvttada maiddái oddasat.se ovttas Sveriges Radio Sámeradioin ja goziha dehálaš dáhpáhusaid miehtá Sámi. Doaimmahusas leat 15 mielbargi, eanas oassi sis barget doaimmahusas Gironis muhto doaimmahusas leat maiddái sámegielat mielbargit Julevis ja Stockhoalmmas.